ဆုံးရှုံးမှုနည်းအောင် စီးပွားရေးလုပ်နည်း

အောင်မြင်မှုရဲ့ နောက်ကွယ်က အတွေ့အကြုံများ

အရှုံးမရှိတာမဟုတ်ပါဘူး၊ အရှုံးနည်းအောင် စီမံနိုင်တာပါ။ လုပ်ငန်း ၁၀ ခုလုပ်ရင် ၈ ခုအောင်မြင်ပြီး ၂ ခုလောက် မှန်းချက်နဲ့နှမ်းထွက်မကိုက်တာ ဖြစ်တတ်ပါတယ်။ ဒါပေမယ့် Risk Management နဲ့ Damage Control လုပ်ထားတော့ ရှုံးရင်လည်း သက်သာပါတယ်။

ဒီလိုဖြစ်အောင် ဘာတွေလိုအပ်လဲဆိုရင်:

1️⃣ နေ့ချင်းညချင်းမအောင်မြင်ပါဘူး - နှစ်ပေါင်း ၂၀ လောက် ကြိုးစားခဲ့ရတယ်။ အစပိုင်းမှာ ဆုံးရှုံးမှုတွေအများကြီးကြုံခဲ့ပေမယ့် အတွေ့အကြုံရလာတော့ ဘယ်အလုပ်ဖြစ်နိုင်၊ မဖြစ်နိုင် ခွဲခြားတတ်လာတယ်။

2️⃣ သေးသေးလေးကစပါ - ရသလောက်ငွေနဲ့ စတင်ပါ။ ဆယ်သိန်းကို မရှုံးအောင်လုပ်နိုင်မှ သိန်းတစ်ရာကို ထိန်းနိုင်မှာပါ။ ဝန်ထမ်းဘဝ တစ်လငါးသောင်းစုချိန်မှာ ငွေတိုးချေးတာ၊ ဖုန်းဘေရောင်းတာ၊ အထည်ရောင်းတာစတဲ့ အသေးစားလုပ်ငန်းလေးတွေနဲ့ စခဲ့တာပါ။

3️⃣ Network ကြီးလာတယ် - လုပ်ငန်းရှင်ဖြစ်လာတော့ အခြားလုပ်ငန်းရှင်တွေနဲ့ ချိတ်ဆက်မိပြီး အမြင်ပိုကျယ်လာတယ်။ ဘယ်လုပ်ငန်းက Risk နည်းပြီး အမြတ်များတယ်ဆိုတာ သိလာတယ်။

4️⃣ လူရင်းတွေရှိလာတယ် - တစ်ယောက်ထဲကနေ ကျစ်လစ်တဲ့အဖွဲ့အစည်းလေးဖြစ်လာတော့ အရင်က မလုပ်နိုင်တဲ့အလုပ်တွေကို တိုးချဲ့လုပ်နိုင်လာပြီး Risk တွေကိုလည်း ပိုစောင့်ကြည့်နိုင်လာတယ်။

5️⃣ ကိုယ့်တာလုံအောင်လုပ် - ဥပဒေနားလည်ကျွမ်းကျင်သူတွေကို ငှားရမ်းစစ်ဆေးစေခြင်း၊ စာချုပ်စာတမ်းတွေ အခိုင်အမာချုပ်ဆိုခြင်းဖြင့် ဆုံးရှုံးမှုကို ကာကွယ်နိုင်တယ်။

6️⃣ ကျွမ်းကျင်သူတွေနဲ့တိုင်ပင် - ရင်းနှီးမြုပ်နှံမှုတွေ လုပ်ငန်းသစ်တွေစမယ်ဆိုရင် အဲဒီနယ်ပယ်က Specialist တွေကို တိုင်ပင်ပါ။

7️⃣ ယုံကြည်မှုတည်ဆောက် - အချိန်ကြာလာတော့ Personal Brand ဖြစ်လာပြီး လူတွေက ယုံကြည်လာကြတယ်။ ဒါဟာ လုပ်ငန်းတွေအောင်မြင်စေတဲ့ အဓိကအချက်တစ်ခုပါ။